آخر المواضيع

بوقالات جزائرية شعبية

اعلان
اليك أجمل البوقالات الشعبية الجزائرية والتى عادة تقال في سهرات رمضانية.
بوقالات جزائرية شعبية
- باسم الله بديت وعلى النبي صليت  وعلى الصحابة رضيت وليكم كل الخير نويت:

- مع الشمس الصبيحة عيني شافت لبعيد ،فارس من الثنية جاني نهار العيد طلبت ربي يحن عليا وحققلي حلمي الوحيد.

- شفت الزين بعيني واش يصبرني عليه ابكيت على سنيني اللي فاتت بلابيه الحبيب اللي يبغيني ربي ليا يخليه.

- عيني في عين الحبيب وفمي حاشم انا تمنيت الحنة معاه ندير الخاتم.

- يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة.

- علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة.

- جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم.

- التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة.

- جاز على باب دارنا يفصل في العكري قتلو يا شباب فصل على قدي قالي حتى تجي لعندي نهديلك صور ذهب ونزيدك قلبي.

- خيوط الليل ذابت وشعاع الصبح بان والشمس فوق لاحت ذهب عليا لكان واللي زمان غابت جات ليوم تبان تسقم السعد ثابت اتهنيت والحظ زيان.

- عمتي يا عمتي وش بيك غضبانة لا بيك على الما راني رويانة ولا بيك على الطعام راني شبعانة ولا بيك على كحل العين ما نديه غيرأنايا.

- إذا طاح الليل النهار راهو يطلع واذا كثر النحاس الذهب هو ليسطع وسيرتك كالعطر بين الناس القعدة بيك زينة وانت كالسلطان متربع.

- زغرتوا وأفرحو يا جيراني حبيبي ليراح جا اليوم وداني انتوما ليحبيتو تفرقو بيناتنا ربي وكيلكم يا عدياني والله منسمح فيه يا كان نبغيه وهو بغاني.
Share Button

ليست هناك تعليقات:

إرسال تعليق

ملحوظة: يمكن لأعضاء المدونة فقط إرسال تعليق.

Dz femme Designed by Templateism.com DZ femme 2014

صور المظاهر بواسطة Bim. يتم التشغيل بواسطة Blogger.