اليك باقة بوقالات عاصمية جزائرية ,اتمنى ان تكون بمثابة الفأل الحسن لكم.
انا و حبيبي متفاهمين والناس غارو منا.... الله يهديكم يا لي بغيتو تفرقونا.... حنا على
ربي توكلنا... و فهاد العام ان شاء الله نقيمو لفراح حنا و حبابنا.
واش يصبرني علي زينك... انتيا وردة عكرية...تسبي لعقول...شحال بكيت على سنيني اللي فاتت بلا بيك...ربي يجمع شملي بيك ....تزهالنا ليام و نفرح بيك.
- ميطمعوش فيا .... انا بعتلوا قلبي يحرسو..يخليه ربي ليا.
- فرح يا القلب يااللي تترجى فينا ... واحنا جينا... وعلى ربي توكلنا .
- اللي يبغينا ربي يكملو...معانا... واللي مايبغيناش ندعو ربنا يصفي قلبو علينا ....وكي اليوم يلاقينا.
- الفجر بنورو تبسم ... و نجم الهناء بان مع شمس الصبيحة... عيني شافت لبعيد .... حبيبي جاني نهار العيد ... مزين القلب اللي عطاه ربي حبيب كيما حبيبي....و مزينها قعدة مع لحبيب في هاذ النهار السعيد.
- قالولي علاش راكي فرحانة و حبيبك غايب في البلدان خلاك و حدك و نساك .رجال هذا شانهم من الزمان .مهبول ليلقى فيهم لامان .قلتلهم انعلو بليس يا نسوان كلامكم كذب و بهتان .حبيبي سيد الرجال هو إخاف ربي و انا دايرا فيه لامان.
- و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه .
- في الدار صندوق مخبي في وسطو ذهب ...و جوهر ...مرجان ...و روبا قطيفة.... قالولي اماليا لمن مخبيه.... قلتلهم لهذيك مولاة الشان مولاة المشية الظريفة .
المشاركات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.